وواحد من المحلات الشهيرة! قرر يسلق القلقاس ويحليه ويحوله لبوريه ناعم، بعدها يضيفه كحشوة أو صوص على الكنافة بدل المهلبية أو القشطة، وسماها "كنافة تارو".
المحل بيقول إن صوص التارو ده أصلًا عبارة عن قلقاس ياباني لونه بنفسجي، يعني مش القلقاس العادي بتاعنا اللي متعودين عليه! الاختراع العجيب سبب جدل كبير بين اللي شايفينه إبداع جديد واللي شايفينها "افتكاسة ملهاش لازمة"، خاصة مع السعر المبالغ فيه، اللي وصل لـ800 جنيه للكيلو.
طبعًا السوشيال ميديا مقلوبة على الاختراع ده، وبدأ الفود بلوجرز يجربوه ويقولولنا طعمها إيه، أما المتابعين للقصة فـ بيتحدوا المحل يكتب اسم الاختراع ده بالعربي عادي!
لكن التجربة دي جزء من التريند السنوي بتاع حلويات رمضان اللي دايمًا بتبهرنا بحاجات غريبة، ممكن تجرّبوها؟
