أسواق كتير بدأت تعرض مستلزمات وياميش رمضان، واللي ماينفعش سفرة رمضان تكون من غيره، علشان كده مهم وإحنا بنشتري الياميش ناخد بالنا من كام حاجة مهمة.
وهي:
1-اشتري الياميش من مكان معروف ومضمون، علشان تستفيد بأفضل جودة وغالبًا هتلاقيهم عاملين عروض كمان.
2- ضروري تفحص البلح كويس، وابعد عن الناشف أو اللي فيه أجزاء مكسورة.
3- اختار قمر الدين اللي لونه مايل لـ البرتقالي الذهبي، مهم تكون لفة قمر الدين كلها لون واحد وقوامها طري.
4- ما تتحرجش تطلب من البائع إنك تدوق المنتج قبل ما تشتريه، خاصة لو هتشتري كميات كبيرة، وبكده هتقدر تٌحكم بنفسك على الطعم.
5- من الأحسن تشتري المكسرات بقشرها، لأن القشرة بتحميها من الظروف الجوية والتلف، فهتطول معاك من غير ما طعمها يتغير.
6- اختار منتج يكون لونه متجانس مع بعضه، خالي من أي أشكال غريبة، بالذات القراصية وقمر الدين والزبيب.
7- ابعد عن المنتج اللي رائحته غريبة أو سيئة، ومتنساش تاخد بالك من تاريخ الإنتاج والصلاحية.