الشيبس أو البطاطس المقلية الجاهزة، واحدة من أكلات اللي ميختلف على حبها اتنين، ناس تحب تاكلها مع الوجبات، وغيرهم يحبوها "سناكس" يسد جوعهم، لكن اللي كتير مش عارفينه، إنها بتسبب أمراض صحية ونفسية كمان!
يالا نعرفها حسب ما نشر موقع "الكونسلتو":
1- يرفع ضغط الدم
بيحتوي على نسب كمية كبيرة من الصوديوم والأملاح والنكهات، اللي بتؤدي لارتفاع ضغط الدم، ومضاعفات صحية خطيرة، مابيظهرش منها غير الصداع أحيانًا.
2- يعرضك لأمراض القلب
"مادة الأكريلاميد" الموجودة في الشيبس، بتزود فرص الإصابة بأمراض القلب، بجانب المواد الدهنية الموجودة فيه، اللي بتعلي نسبة الكوليسترول في الجسم.
3- يأثر على الخصوبة
الباحثين بيقولوا إن الدهون غير المشبعة الموجودة في أكياس الشيبس، ممكن تزود خطر الإصابة بالعقم عند السيدات على المدى البعيد.
4- يسبب اكتئاب
العلماء اكتشفوا إن المستويات العالية من الدهون غير المشبعة والصوديوم، الموجودة في الشيبس، بتأثر كمان على الصحة العقلية، لدرجة الإصابة بالاكتئاب.
5- يضاعف الوزن
السعرات الحرارية والأملاح والدهون، بتتراكم في الجسم بتسبب زيادة كبيرة في الوزن، بجانب عدم وجود إي قيمة غذائية فيه.
