ناس كتير بتشتكي من إحساسها بصداع الرأس بعد الإفطار مباشرة، والحقيقة إنه السبب وراء ده، هو بعض العادات الرمضانية اللي أوقات بنعملها وإحنا مش واخدين بالنا من أضرارها اللي هنعاني منها بعدين، فا يالا نعرفها حسب موقع "الكونسلتو"، ونتجنبها بعد كده.
1- الإفراط في الأكل
تمت تعبئة الكرش بنجاح، توابع الجملة دي كفيلة تخلي القلب يضخ كميات كبيرة جدًا من الدم المحمل بالأكسجين للمعدة والأمعاء، لإتمام عملية الهضم والامتصاص، وده بيؤدي للشعور بالصداع، نتيجة لنقص التروية الدموية الواصلة للمخ.
2- أكل حلو وحادق
تناول الحلويات بعد الإفطار مباشرة بيسبب انخفاض حاد في ضغط الدم، وكمان الأطعمة المملحة زي المخللات بكميات كبيرة بترفع ضغط الدم، وفي الحالتين بيصاحبهم صداع قوي وأمراض تانية أنت في غنى عنها.
3- قلة شرب المياه
الجسم يدخل في حالة جفاف من بره وجوه خلال شهر مضان، وضروري ترطيبه يكون مضاعف بشرب كميات كبيرة من المياه مش بس السوائل، والصداع هنا بيكون مؤشر بيحذر من نقص السوائل اللي محتاجها الجسم.
