نفى أستاذ علوم الأغذية بكلية زراعة جامعة عين شمس، الدكتور محمد الحوفي، الاعتقاد السائد عند بعض الناس، بأن حفظ العيش في الثلاجة، بيحول النشا الموجود فيه لـ سكر، وأكد إنها معلومة مغلوطة وملهاش أي أساس من الصحة.

ووضح إن النشا الموجودة في العيش بتتحول فعلًا لـ سكر عند مضغه في الفم، بسبب إنزيمات "الإيميليز" اللي الموجودة في اللعاب، وده لأن هضم النشا بيبدأ من الفم، ودي الحالة الوحيدة اللي بتتحول فيها للسكر.

وأثبت "الحوفي" كلامه بدليل علمي، قال فيه إنه إذا كان وضع العيش في الثلاجة بيزود نسب السكر فيه، إذن طعم السكر هيحس بيه أي شخص عند تناوله مباشرة! وده مبيحصلش.