الأكل أذواق، وكل واحد مننا متعود على ميكسات وأكلات معينة، بتبسطه وتحسسه بالشبع والورقان، لكن تعرف إن مش كل الأكلات ينفع تتاكل مع بعض كده عادي! ولو أنت من عشاق طبق البيض بالسطرمة كمل المقال ده للآخر.

1- القهوة والبيض

لو وجبة فطارك بتتكون من فنجان قهوة أو كوباية شاي وبيض! فاأنت محتاج تغير شوية من روتين أكلك، لإن المشروبات دي هتقلل امتصاص الحديد في جسمك، ومش هتحصل على الفوائد الغذائية من وجبتك. الأفضل تستنى ساعة قبل شرب الشاي أو القهوة.

2- البيتزا والمشروبات الغازية

مزج البيتزا مع المشروبات الغازية ممكن يسبب مشكلة في الجهاز الهضمي، وده بيرجع للكربوهيدرات المكررة في البيتزا والسكريات المضافة في المشروبات الغازية، اوده بيسب ارتفاع سكر الدم وشعور غير مريح في المعدة.

3- الفواكه والحبوب الكاملة

هضم الفواكه بيتم بسهولة، لكن الحبوب الكاملة زي "الشوفان" بتاخد وقت، وهنا هتحس بعدم راحة في معدتك، خاصة لو بتعاني من حساسية المعدة.

4- الزبادي مع الفواكه

يبان إنه ميكس صحي، لكن الزبادي تعتبر مادة قلوية، خلطها مع فواكه معينة حمضية زي التوت والفراولة، مش أفضل اختيار.  يفضل اختيار الفواكه القلوية زي الموز.

5- البيض والبسطرمة

ميكس البيض مع اللحوم المصنعة، زي البسطرمة مثلًا، بيدخل الجهاز الهضمي في عملية هضم صعبة، نتيجة نسبة البروتين العالية، الأمر اللي ممكن يسبب مشاكل صحية.