على مدار سنتين فاتوا، قدر مسلسل الاختيار يحجز مكانه بين عشرات الأعمال في دراما رمضان، اختلفت أحداثه لكن اتفق أبطاله الحقيقين من رجال الجيش والشرطة على حب البلد دي لآخر لحظة في عمرهم.
والسنة دي ناس كتير مستنية تشوف مسلسل "الاختيار 3"، واللي هتحكي أحداثه عن فترة مهمة في تاريخ مصر الحديث.
يالا نتعرف على الجزء الثالث من المسلسل الجماهيري "الاختيار3":
1- بيتناول المسلسل أخطر 96 ساعة في تاريخ مصر، بما فيها أحداث ثورة 30 يونيو وتدخل الجيش لإنقاذ الدولة، وهيكشف حقائق هتُعرض لأول مرة.
2- بتدور الأحداث حول 3 شخصيات مهمة، واحد منهم بيشتغل في الأمن الوطني هو زكريا يونس، والتاني في المخابرات الحربية وهو مصطفى خليفة، والثالث في المخابرات العامة وهو مروان العدوي.
3- بيشارك في بطولة مسلسل "الاختيار 3" عدد كبير من نجوم الفن، وهم: أحمد عز، كريم عبد العزيز، أحمد السقا، ياسر جلال، أمير المصري، مجدي فكري، بيومي فؤاد، أحمد بدير، محمود البزاوي، سمر مرسي، صبري فواز، إيمان العاصي، سلمى أبو ضيف، دنيا المصري، آدم الشرقاوي. بجانب ضيوف شرف ومنهم: خالد زكي والنجم أحمد مكي اللي تألق في الجزء الثاني من العمل.
4- المسلسل تأليف هاني سرحان، وإخراج بيتر ميمي.
5- هنشوف المسلسل على قنوات أون، ومنصة "واتش إت".
