على مسرح حفل "الموريكس دور" في لبنان إمبارح، انتهى الخلاف اللي كان بين نوال الزغبي ومحمد رمضان، بعد ما اتبادلوا تصريحات هجومية على بعض في البرامج التليفزيونية وعلى السوشيال ميديا.

نوال اعتذرت لـ رمضان وقالته: "أنت استفزتني يا محمد وعلشان كده قلت لهم مين محمد رمضان معرفوش، هو في حد مايعرفش محمد رمضان؟ لكن أنا بموت فيك وبحبك وإنت فنان قدير".

فا كان رده عليها: "اللي مايحترمش الفنان اللبناني ولبنان ما بيحترمش نفسه ولا الفن، وكل الحب لنوال الزغبي، وأنا واحد من الملايين جمهورها ومحبيها".

وكانت نوال الزغبي قالت في برنامج "حبر سري" إنها لا تعرف محمد رمضان ولا أي نجاح حققه، وده في نفس الوقت اللي اتسأل فيه رمضان عن الفنانة اللبنانية اللي نفسه يغني معاها دويتو، وقال لسه ما تخلقتش.

وقتها علق رمضان على كلامها وقال: "حبيبتي ربنا يباركلك في صحتك وذاكرتك.. نورتي تليفزيون مصر".