في اليومين اللي فاتوا، انتشرت صور لفيلا قديمة في حي منيل الروضة، واتقال إنها كانت ملك الفنان الكبير الراحل أنور وجدي، وإنها معروضة للبيع بسعر ضخم وصل لـ 120 مليون جنيه، وده عمل حالة جدل كبيرة على السوشيال ميديا.. ولكن الحقيقة غير كده خالص.

الفيلا، اللي موجودة في شارع الأخشيد بالمنيل ومساحتها حوالي 1140 متر، مش بيت أنور وجدي زي ما اتقال — حسب تصريح المهندس هاني الديب، مالك العقار — إن الفيلا ما كانتش فعليًا سكن للفنان أنور وجدي، وإنما اشتريت من ورثة والدته من قبل والد المالك، يعني الرابط الوحيد بين أنور وجدي والعقار هو أنه اتباع عن طريق ورثة والدته.

ورغم إن شكل الفيلا واضح عليه الإهمال ومحتاجة ترميم كبير، السعر العالي اتحدد — بحسب المالك — بسبب موقعها المميز ومساحتها الكبيرة في واحدة من أرقى مناطق القاهرة.

وبالمناسبة، عاش الفنان الراحل أنور وجدي في عمارة الإيموبيليا بمنطق وسط البلد، بكده يكون الكلام المنتشر عن إن دي فيلا أنور وجدي اللي عاش فيها حياته مش دقيق.