صدمة كبيرة بيعيشها الوسط الإعلامي والفني، بعد وفاة المذيع الشاب إياد داود من ساعات قليلة، عن عمر 39 سنة، بعد تعرضه لمضافعات فيروس كورونا المستجد. واللي كان أصيب به من 5 شهور فاتت. حسب تصريحات أخوه الكاتب الصحفي والسياسي خالد داود.

وفي السطور الجاية هنعرفكم أكتر على "إياد" ورحلته الإعلامية والفنية اللي رغم إنها كانت قصيرة جدًا، لكنها كانت مؤثرة.

1- إياد من مواليد سنة 1983.

2- اتخرج في الجامعة الأمريكية دفعة 2003، دراسته كانت مسرح وإذاعة وتليفزيون.

3- على حسابه بإنستجرام، لقينا صور ليه وهو متقمص شخصيات مختلفة، وكاتب عليها إنه لما كان حد بيسأله نفسك تطلع إيه لما تكبر، كان بيرد ويقول: ممثل.

4 - اتشهر كمذيع ضمن فريق برنامج "شبابيك"، واللي كان بيتذاع على قناة "دريم" من سنة 2005. ومن المفارقات الغريبة إن صديقه عمرو سمير اللي كان بيقدم معاه البرنامج رحل هو كمان سنة 2017 وعمره 33 سنة.

5 - إياد كان له حضور مميز في البرنامج، وكان مثقف ومحترف في مناقشة المواضيع الشبابية وقتها.

6 - اتجه للتمثيل بعد مشاركته في أكتر من برنامج شبابي، وشارك في 15 عمل مسرحي، بالإضافة لعدد من أعمال التليفزيونية منها مسلسل "الداعية"، و"فض اشتباك"، وآخرهم كان مسلسل "شديد الخطوة" مع أحمد العوضي.

7 - في السنين الأخيرة من حياته، اتجه إياد لتقديم ورش التمثيل، وكان سعيد جدًا بالخطوة دي، واللي كان بيحضرها أعداد كبيرة وكاملة العدد.

8 - إياد اتوفى بعد 8 شهور بس من وفاة والد الكاتب الصحفي محمد سعد عبد الحفيظ، واللي كان عايش معاه ومرتبط بيه جدًا، خاصة بعد وفاة أخته ووالدته.

في الجنة يا إياد إنت وعمرو .