في لقاءه الأخير في برنامج "العرافة" مع الإعلامية بسمة وهبة، اتكلم الفنان حسام حبيب عن تفاصيل جديدة بخصوص علاقته السابقة بالفنانة شيرين عبد الوهاب، يالا نعرفها في السطور الجاية..

1- أنا مجرم في حق نفسي، وعلاقتي بشيرين دمرتني ودمرت علاقتي بعائلتي، وبتكسف أتجمع معاهم كل أسبوع.

2- شيرين مديونة ليا بـ60 مليون جنيه، مقابل شغلي معاها، بس أنا كنت بعمل ده بحكم إني زوجها، ومكنش في مدير أعمال بيكمل معاها.

3- كنا أصدقاء قبل الزواج، ومكنتش اتمنى الأمور توصل لكده، بس أنا كنت مريض بيها وخايف نبعد عن بعض.

4- حبيت شيرين أكتر من نفسي، معظم اللي في حياتي بحبهم كده، أمي وصحابي نفس الكلام، اكتشف إني مبحبش نفسي أصلًا.

5- في وقت ما شيرين حلقت شعرها "زيرو"، مكنتش موجود معاها أصلًا، وكانت سايبة البيت ومش عارف هي فين.

6- لما بعدت عنها بسبب الإهانة، قالتلي هخليك متعرفش تمشي في الشارع، أنا كنت مريض بيها، ومرتبط بكل ذكرى حتى الخناقات.

7- مستحيل أرجع لشيرين تاني، تحت أي ظروف، أنا اتهانت كتير واتظلمت، كفاية عليا اللي شوفته.