طرحت منصة "واتش إت" البوستر الرسمي لمسلسل "ريڤو" على هيئة شريط كاسيت، بالإضافة لعدد من صور أبطاله وأدوراهم اللي هيجسدوها في العمل، تمهيدًا لعرضه خلال الفترة الجاية.
تعالوا نعرف أكثر عن العمل في السطور الجاية:
1-المسلسل بينتمى لنوعية المسلسلات الـ 10 حلقات بس.
2- أحداثه بتدور عن "ريڤو" باند اللي غير شكل المزيكا في التسعينات، والتطور اللي واجهوه من زمان لحد دلوقتي، بجانب شكل المزيكا والتمثيل كان عامل إزاي ووصل لإيه.
3- بيشارك في بطولته عدد من النجوم الشباب منهم، أمير عيد، تامر هاشم، ركيم سعد، صدقي صخر، سارة عبد الرحمن، ونجوم أكتر.
4- تأليف محمد ناير وتحت قيادة المخرج يحيى إسماعيل.
5- "ريڤو" من أعمال "واتش إت" الأصلية، ومن المقرر طرحه للجمهور خلال الأيام الجاية على منصتها الإلكترونية.
