المغني الشاب تامينو صاحب الأصول البلجيكية واللبنانية والمصرية، هيزور مصر لثاني مرة خلال الأيام الجاية، علشان يقدم حفلة غنائية على مسرح الجامعة الأمريكية- بالتحرير. تامينو بينتمي لعيلة موسيقية، واللي ناس كتير ماتعرفوش إنه حفيد المطرب الراحل محمرم فؤاد، والملقب بـ "صوت النيل".

في السطور الجاية هنتعرف أكتر على تامينو وإزاي دخل مجال الفن:

- تامينو عمره 27 سنة. وعايش في مدينة أنتويرب البلجيكية.

- جده اتوفى سنة 2002 وقتها كان عنده 5 سنين، علشان كده بيقول في حوراته إنه مش فاكره أوي.

- بيحب يسمع أغاني محرم فؤاد، وبيحب صوته في الحفلات أكتر. وبيقول إنه استثنائي.

- بدأت تظهر بموهبته في الغناء من وهو طفل، وكان مشترك في دروس الموسيقى في المدرسة.

- طرح أول ألبوم غنائي في صيف 2018، وكان اسمه "الأمير".

- اختار يغني باللغة الإنجليزية رغم إنه بيتقن كذا لغة، لكنها بروزت جمال صوته أكثر.

- تامينو استعان بفرقة من بروكسل، أعضائها لاجئين سوريين وعراقين في أكثر من حفلة.

- معظم أغانيه بتتميز بالمزج ما بين موسيقى الشرق الأوسط والموسيقى الغربي.

اعرفوا تفاصيل الحفلة وطرق الحجز من هنا.