في خطوة غير مسبوقة، بتستعد مكة محمد صلاح، ابنة نجم ليفربول محمد صلاح، للظهور في الدراما المصرية لأول مرة!

المفاجأة دي كشفها موقع "القاهرة 24"، وقال إنه عنده معلومة بظهور مكة كضيفة شرف في مسلسل "كامل العدد 3" وظهورها هيكون من خلال مكالمة فيديو لأحد أبطال المسلسل.

وده بيكشف سبب فيديو انتشر على السوشيال ميديا، ظهر فيه محمد صلاح بيكلم خلاله فريق عمل مسلسل "كامل العدد 3" مكالمة فيديو في آخر يوم تصوير! علشان يبارك لهم على العمل. (هتلاقوا الفيديو هنا)

الفيديو انتشر بسرعة على السوشيال ميديا، وظهر فيه أبطال المسلسل فرحانين وبيتجمعوا حوالين الموبايل وهما بيتكلموا مع صلاح.

المسلسل من بطولة دينا الشربيني، شريف سلامة، إسعاد يونس، حسين فهمي، وإنجي المقدم، وهيتعرض في 15 حلقة في رمضان الجاي.

صلاح كان معجب بالمسلسل من الأول، وكان نشر مشهد كوميدي منه السنة اللي فاتت على إنستجرام، وده بيأكد إنه متابع الدراما المصرية كويس!