النهارده الصبح بدري، قررت أنغام تنزل تسجيل صوتي لجمهورها، على حساباتها بمواقع التواصل الاجتماعي، وكانت متأثرة جدًا وبتبكي من فرحتها، وده جزء من اللي قالته…

- "فكرت اكتب ولا اتكلم بصوتي، حسيت إني محتاجة اتكلم معاكوا بصوتي".

- "بشكر كل شخص بيحبني أو مش بيحبني، وقرر بإنسانيته ورحمته يدعيلي في محنتي، أنتوا دعيتوا وربنا استجاب".

- "مش عارفة مـ ابكيش من فرحتي من الامتنان، أنتوا دعيتوا لـ أم اتمنت من ربنا تكمل عشان ترجع تعيش مع ولادها شوية".

- "عمري ما كنت بالضعف ده قبل كده، بس مش خجلانة أبدًا، لإني بقيت حاسة إني حته منكوا".

- "دعواتكوا كانت أكلي وشربي ودوايا الحقيقي، وبشكر كل حد طبطب عليا".