من جديد بتتعرض ياسمين صبري لانتقادات بسبب شكلها في مسلسل "رحيل"، ففي المرة الأولى تعجب الجمهور من ستايل أظافرها اللي ظهرت بيه على بوستر العمل قبل عرضه، وده عكس طبيعة الشخصية اللي بيتجسدها كا فتاة من منطقة شعبية بتشتغل في النجارة مع والدها.

أما المرة الثانية فكانت بعد دخولها السجن، وهنا جمهور السوشيال ميديا نشر صورها من السجن وعلق عليها بتعليقات ساخرة منها: "المشهد ده شكل الفنانة ياسمين صبرى في مسلسل (رحيل )، بعد ما قعدت 4 أيام كاملين في الحبس على ذمة التحقيق، واترحلت بعدها علي سجن بعد ما خدت 7 سنين، فا شكلها بتعمل جلسات تنضيف بشرة و"هير" روتين وإزالة الإتهامات الزائدة بالليزر في السجن".

ياسمين ماردتش على تفاعل الناس على شكلها، ولكن، نشرت صورتها المتداولة من داخل السجن على ستوري حسابها بـ إنستجرام.