ياسمين عبد العزيز كانت ضيفة "صاحبة السعادة" إسعاد يونس، امبارح الاثنين، وخلال الحلقة قالت كلام مهم جدًا عن شعورها حاليًا ناحية زوجها السابق أحمد العوضي وكمان أسرار عن حياتها الشخصية، جمعناكم أهم تصريحاتها في السطور الجاية.
1- أحمد العوضي عارف إني لسه بحبه، وأنا عارفه إنه لسه بيحبني.
2- أنا مش بس بحب أحمد أنا بعشقه، ومعاه اكتشفت إني اللي كان قبله ماكنش حب، أحمد الحب الحقيقي في حياتي. (قالت كده وهي بتبكي)
3- في سبب مهم كان سبب انفصالنا لكن مش الخيانة، علشان ماكنتش هسكت.
4- الصور والفيديوهات اللي بتجمعنا مع بعض على السوشيال ميديا وأنا بحضنه أو كده، بتوجع قلبي وبتفكرني باللحظات الحلوة.
5- مش عارفه لو شوفته في مناسبة عامة ممكن أعمل إيه؟ وبحاول أهرب طول الوقت علشان ماشوفهوش.
6- مصدقتش توقعات انفصالنا، لإن قبل الطلاق كان في مشاكل بينا وأكيد حد من اللي حوالينا بلغ.
7- أنا راضية بكل أقدار ربنا ليا، وروحت عملت عمرة، وقولت جايز اللي بيحصلي دلوقتي يكون ده الخير وأنا معرفش.
8- كنت شقية جدًا وأنا صغيرة، وتقريبا بترفد من المدرسة كل أسبوع، وبدخل تاني يوم برده، من غير أمي ما تعرف.
9- والدي ووالدتي انفصلوا وأنا عندي ٩ سنين، وقررت مطلعش طيبة زي أمي مبتعرفش تاخد حقها.
10- بدأت اشتغل في الإعلانات وأنا عندي ١٢ سنة، واشتريت عربية وشقة لنفسي وأنا 15 سنة حوشت فلوسهم في دفتر توفير واشتريتهم.
11- أنا اللي كنت بتفق على أجري وعلى كل حاجة تخص شغلي، من وأنا عيلة وأنا اللي بدي مخدتش حاجة من حد.
