في خطوة مفاجئة، أعلنت شركة أوبر وقف خدمة أوبر باص أو شاتل في مصر، رسميًا، بداية من يوم 6 أبريل 2026، وده ضمن خطة أوسع لإعادة هيكلة خدماتها على مستوى العالم.

خدمة أوبر باص كانت بتقدم حل نقل جماعي بتكلفة أقل نسبيًا، ونجحت خلال فترة تشغيلها إنها تجذب شريحة من المستخدمين، خصوصًا بعد خروج شركة "سويفيل" من سوق التنقل الذكي بعد فترة كورونا.

أوبر شاتل كان بيعتمد عليها فئة مش قليلة من الموظفين والطلبة كـ بديل اقتصادي وآمن مقارنة بوسائل المواصلات التقليدية.

أكدت أوبر إن قرار وقف الخدمة مش معناه تقليل استثماراتها في مصر، بالعكس، أكدت إن السوق المصري لسه من الأسواق المهمة ليها في المنطقة، وإن باقي خدماتها مستمرة بشكل طبيعي.

الشركة كمان وضحت إن أي أرصدة أو اشتراكات متبقية في خدمة أوبر باص هيتم استردادها تلقائيًا، خلال 7 أيام عمل.