نداء عاجل لعشاق الفن! استعدوا لتجربة فنية مختلفة تمامًا عن أي معرض تقليدي، لأن مصر هتستقبل معرض “Beyond Van Gogh” أو “ما وراء فان جوخ” التفاعلي في أبريل الجاي، واللي بيقدم مفهوم جديد لمشاهدة الفن.

المعرض مصمم بالكامل عن أعمال الفنان الهولندي الشهير فان جوخ، بس الفكرة هنا مش إنك تتفرج على لوحات وخلاص، إنت هتبقى جواها!

أكتر من 300 عمل فني بيتحولوا لمشاهد متحركة حواليك من كل اتجاه — على الحيطان والأرضيات والسقف — باستخدام تقنيات عرض وصوت متطورة، تخليك حاسس إنك ماشي جوه لوحات فان جوخ نفسها، في تجربة مدتها من 60 لـ 75 دقيقة.

المعرض هيكون في مول ديستركت 5 – القاهرة الجديدة، من 5 أبريل لـ 10 يونيو.

باب الحجز هيفتح يوم 30 مارس الساعة 2:00 الظهر، الحقوا احجزوا تجربتكم من هنا.