في اليومين اللي فاتوا، انتشرت أخبار عن إطلاق مصر أول ماكينة "ATM" لبيع سبائك الذهب، الأمر اللي أثار تعجب كتير من المواطنين حول طريقة تشغيلها وأماكن تواجدها، فا تعالوا نعرف هنستخدمها إزاي؟

مبدأيًا، الماكينة بتشتغل بشكل طبيعي زي ماكينات سحب وإيداع الأموال، بتتيح للعملاء الحصول على سبائك ذهبية من خلال إيداع قيمتها نقدًا، مع إتاحة السبائك بأحجام مختلفة، بداية من جرام واحد كحد أدني.

مفيش حد أعلى لسقف السحب اليومي، ويتم تحديث الأسعار فيها على مدار الساعة حسب البورصة العالمية، وفي حالة نجاح التجربة هيتم تعميمها بشكل واسع في المولات وعدد أكبر من الأماكن، مع وجود نظام قوي لتأمينها.