فاجيء الفنان تامر حسني، إبراهيم الخولي أول معيد من أصحاب متلازمة داون في مصر، بمكالمة على الهواء. خلال استضافته في برنامج "مصر تستطيع"، مع الإعلامي أحمد فايق.

مقدم البرنامج كان بيهزر مع إبراهيم وبيقوله تخيل لو أنت دلوقتي بتعمل حوار في الإذاعة مع حبيبك تامر حسني، هتقول إيه؟ وبعد ما بدأ إبراهيم بالكلام، اتفاجيء بتامر حسني بيرد عليه.

أشاد النجم تامر حسني بالنجاح اللي حققه إبراهيم، وقدم الشكر لوالدته اللي اجتهدت وتعبت معاه، لحد ما وصل للي هو عليه دلوقتي. وفي نهاية المكالمة تامر غنى لإبراهيم أغنيته الشهيرة "أقوى من الأيام"، وهي أغنية حماسية بتتكلم عن الأمل وتحدي الإحباط واليأس.