في فكرة متصدرة من سنين طويلة، بتقول إن الفنانين دايمًا حواليهم حواجز و"بادي جارد"، وإنهم مش أشخاص عادية زينا، وعالم الشهرة والأضواء بيغيرهم، لكن الحقيقة إن مش دايمًا كلهم كده، عندنا نجوم قلوبهم أطيب ما يمكن، وحقيقي كتير منهم بيبهرونا بشخصيتهم، وبيزيد حبنا ليهم أضعاف.
وعلى ذكر المطرب الطيب، جمعنالكم أطيب 5 مطربين موجودين على الساحة الغنائية.
بهاء سلطان
لو في جائزة لـ أطيب مطرب، هتروح للفنان الجميل بهاء سلطان بدون منازع، مش علشان عودنا على طيبته المفرطة في كلمات كتير من أغانيه، لكن كمان بهاء فنان شديد التواضع والخجل لدرجة مرعبة.
هشام عباس
عدت سنين وجت سنين، وهشام عباس لسه محافظ على روحه اللي فيها حتة طفولية شوية، هشام ماصعبهاش علينا في أغاني كلماتها وألحانها معقدة بالعكس، كمان على المستوى الشخصي، متواضع ووجوده مبهج ولذيذ.
تامر حسني
من زمان وتامر حسني معروف بجدعتنه، وحبه لتقديم أصوات غنائية جديدة، من غير أي غيرة أو خوف لسحب المايك من إيده، يمكن شقاوة تامر على المسرح وفي أفلامه، تكون سايبه انطباع تاني عند بعض الناس عنه، لكن الحقيقة إن قلبه طيب وحساس جدًا.
محمد محيي
نفتكر إننا عمرنا ما سمعنا شائعة مش لطيفة عن "محيي"، دايمًا في حاله، وبعيد عن أي صراع فني، هنقولكوا على أغنيتين لو سمعوتوهم هتعرفوا إن الكلمات دي ميغنيهاش غير فنان حقيقي "طيب" خالص، الأغنية الأولى اسمها "هتسيبني بجد" والثانية هي "بس ارجع".
علاء عبد الخالق
يمكن جيل دلوقتي، ميعرفوهش لإنه اختفى عكس دفعته من نجوم التسعينات، بس محدش يقدر إنه فنان موهوب وصوته له بصمة مميزة، شوفوا حلقته مع "صاحبة السعادة"، هتتفاجأوا إن في فنانين كده
