ناس كتير لما بتقع في مشكلة وبتحتاج لاستشارة قانونية، بيكونوا مش عارفين يتوجهوا لمين بالظبط. المحامي أحمد صادق حب يسهل الموضوع على المواطنين، عن طريق تجيمع كل الخدمات القانونية في مكان واحد. من خلال تطبيق إلكتروني اسمه "أفوكاتو".

التطبيق بيقدم خدمات قانونية متنوعة زي: طلب محامي، متابعة الأخبار القانونية على مدار 24 ساعة، تحميل أى عدد من الصيغ والعقود. ويقدر العميل كمان إنه يبحث عن المحامين على حسب المكان أو التخصص. بالإضافة لحجز ميعاد مناسب لوقته، أو يطلب استشارة لو حصلتله مشكلة طارئة.

5 آلاف محامي هم عدد المحامين الموجودين على التطبيق، كلهم أعضاء بمجلس نقابة المحامين. يقدر أي شخص يستشير أو يوكل المحامي المناسب لقضيته حسب قدراته المادية.

تقدر تحمل التطبيق وتعرف أكتر عنه من هنا.