إمبارح، أحيى أحمد سعد حفلة مع روبي، ضمن مهرجان "ليالي مراسي" بالساحل الشمالي، وكالعادة لبس أحمد سعد كان محل جدل عدد كبير من جمهوره.

أحمد كان لابس قميص أسود منقط وبنطلون قصير أسود، والناس شبهته بـ الجيب شورت، لإنه قصير وواسع، وانهالت عليه التعليقات.

مش بس كده، أحمد وروبي قدموا تاني أغانيهم "أنا تاني"، لكن أدائهم معجبش البعض كمان، وشافوا إنهم بيفتعلوا في طريقة غناهم ورقصهم على المسرح، علشان يلفتوا النظر ليهم.

أحمد سعد بيتعرض مؤخرًا، لانتقادات كتير بسبب لبسه الغريب في حفلاته الأخيرة، وناس كتير شافت إنه بيبالغ وبيحاول يلفت النظر من غير داعي، أوقات اللبس ملفت بشكل مش معتاد، وده بيخليه تريند على السوشيال ميديا، بين اللي بيضحك واللي مستغرب.