لو لسه محتار ومش عارف تتبسط إزاي بالسنة الجديدة؟.. متفكرش كتير، جمعنالك في المقال ده، كل اللي ممكن تحتاجه علشان تهيص، سواء كنت هتستقبل 2023 في البيت، أو لو مخطط تخرج وتشوف نجومك اللي بتحبهم.
محمد منير
الكينج محمد منير، هيحيي حفلة رأس السنة، يوم 30 ديسمبر الجاي، في القاهرة الجديدة. أسعار التذاكر: 300 - 550 - 750 - 1000 جنيه. الحجز والتفاصيل هنا.
راغب علامة
هيقضي السوبر ستار راغب علامة سهر رأس السنة مع جمهوره في فندق "دوسيت ثانى ليك فيو"- التجمع، أسعار التذاكر: 6000- 7000- 8000- 9000- 10000 جنيه. التفاصيل هتلاقوها هنا.
حسن شاكوش ومصطفى كامل ووائل الجسار ودينا
استمتعوا بسهرة ماتتنسيش، هيحيها حسن شاكوش ومصطفى كامل وائل الجسار ودينا وأنستازيا، في فندق سميراميس، التفاصيل هنا.
حماقي مع صاحبة السعادة
استنوا الفنان محمد حماقي في سهرة خاصة جدًا يوم السبت والأحد الجايين الساعة 11:00 بالليل، مع الفنانة إسعاد يونس في برنامجها "صاحبة السعادة"، اللي بيذاع على قناة دي إم سي.
محمد رمضان مع منى الشاذلي
لأول مرة الفنان محمد رمضان هيكون ضيف الإعلامية منى الشاذلي في برنامجها "معكم"، المذاع على قناة سي بي سي، ليلة الجمعة 31 ديسمبر.
نانسي عجرم مع أمير كرارة
سهرة ولا أروع.. هنعيشها علة مدار يومين، مع النجمة نانسي عجرم في برنامج "سهرانين" تقديم الإعلامى أمير كرارة، على قناة "أون"، أيام الخميس والجمعة الجايين الساعة 10:00 بالليل.
وكل سنة وأنتم طيبين ومبسوطين بأيامكم.