ظهور الفنانة اللبنانية إليسا مؤخرًا خلال حضورها مسرحية "كلو مسموح" لصديقتها كارول سماحة، قلب الدنيا على السوشيال ميديا، مش لأنها رجعت للأضواء بعد فترة غياب، لكن عشان ملامحها كانت مختلفة شوية، وده فتح باب واسع للتعليقات اللي أغلبها كان مؤسف.

ناس كتير بدأت تتكلم عن تغيّر شكلها وزيادة وزنها، والبعض استخدم صورها علشان للسخرية والهزار، كأنها مكنش عندها تاريخ طويل من المواجهات الصحية والنفسية، وعلى رأسها معركتها مع السرطان، واللي له آثار سلبية على الصحة.

لكن، في وسط ده، في جمهور كبير كان صوته عالي بدعمه لإليسا، وأكد إن ملامحها عمرها ما كانت أهم من إحساسها وفنها، واللي خلّاها واحدة من أكتر الفنانات اللبنانيات تأثيرًا في جيلها.

إليسا مردتش على التعليقات دي، واكتفت بنشر صورها مع كلبها "ستار"، وقالت وقالت إنه أفضل حد عندها، وهي بتستمع بأجواء الربيع في بيروت.