في موقف جميل حصل الأيام اللي فاتت، الفنان منير مكرم لقى مبلغ كبير في الشارع وصل لـ2 مليون جنيه، وقرر يتصرف بأمانة ويرجعهم لصاحبهم، من غير ما ياخد أي مقابل مادي، ولا حتى مكافأة رمزية.

منير قال إنه لقى المبلغ جوه شنطة في مكان عام، واحتفظ بيها كام يوم لحد ما طلع نداء علني علشان يوصل لصاحب الفلوس، وبالفعل، حد تواصل معاه وقدر يثبت إنها فلوسه بأوراق وتفاصيل محددة.

الغريب إن الفنان رفض ياخد أي مكافأة، وقال في تصريحه: "الفلوس مش فلوسي، وماينفعش آخد حاجة مش من حقي. أنا عملت الصح واللي يرضي ربنا".

اللطيف كمان إنه رفض باخد مبلغ كهدية من صاحب الفلوس، واقترح عليه إنه يتبرع به لمستشفى السرطان أو للمرضى عمومًا.

منير مكرم اشتهر ببرنامج المقالب "اديني عقلك"، اللي كان بيعتمد على تمثيل مقالب خفيفة مع ناس من الشارع، البرنامج استمر سنين طويلة وحقق نجاح كبير، وكان بيعرض في شهر رمضان.