من ساعات قليلة، شاركت الفنانة فيفي عبده مقطع فيديو على "ستوري" حسابها بإنستجرام، مكتوب عليه انتقاد للفنان محمد عبده، بعد ما قال رأيه في شيرين عبد الوهاب، ووصفه ليها بـ "المؤدية" وليست المغنية.

تعرضت فيفي لانتقادات واسعة، خاصة من جمهور "عبده" بعد الستوري المثيرة للجدل، واللي كان مكتوب فيها: "المغني العجوز محمد عبده بيقول عن شيرين مؤدية مش مطربة، لو الست دي مؤدية يبقى أنت رقاصة يا عبده".

وبعد ساعات قليلة من نشرها، حذفت فيفي الستوي، واعتذرت لـ محمد عبده، ووضحت إنها مقرأتش الكلام المكتوب على الأغنية، وعملت شير من التيك توك علشان عجبتها مش أكتر.

وقالت كمان: " لو كنت قرأت الكلام مكنتش نزلتها، ولما بنتي شافت الاستوري شالتها فورًا، ودا عيب إني مكملتش دراستي وماقريتش الكلام، الله يخرب بيت اللي كتبها.. وطبعا أنا بكن كل الحب والتقدير للفنان الكبير محمد عبده".