تصدر الإعلامي محمود سعد تريند مواقع التواصل الاجتماعي، بعد ظهوره في فيديو بيدوق مشروبات جديدة نوعًا ما موجودة في السوق المصري، ومنتشرة أكتر بين الأجيال الجديدة، لكنه مجربهاش قبل كده.

المشروبات دي كانت عبارة عن "ماتشا، بوبا تي"، ولما جه يقييمهم شبه الماتشا بـ "عصير القصب الماسخ"، مع ريأكش تلقائي بيوحي بإنها مش عاجباه خالص، فـ المتابعين على السوشيال ميديا عجبهم رد فعله، واستخدموا صورة سعد في مواقف بتوصف نفس إحساسهم.

للي ميعرفش، محمود سعد بينشر فيديوهات مفيدة ومسلية جدًا على السوشيال ميديا عنده، بيتكلم فيها عن حاجات كتير في الحياة، ننصحكوا بمشاهدتها!