على هامش تحضيراتها لحفلة غنائية في دبي، الجمعة الجاية، ظهرت شيرين عبد الوهاب في حوار مع  برنامج "ET بالعربي"، اتكلمت خلاله عن حاجات كتير لها علاقة بحالتها النفسية دلوقتي، وكمان خططتها الفنية، يالا نعرف قالت إيه:

1- سعيدة بعودتي لجمهوري وعندي حفلة في دولة كبيرة قريب، حياتي رجعتلي تاني، السمكة رجعت للبحر.

2- لو كنت غبت شوية، فا ده بسبب ظروف نفسية أكبر مني أوي.

3- بشتغل من وأنا 13 سنة في الوسط، منهم 24 سنة مشهورة ده كان كبير أوي عليا، كنت محتاجه فترة نقاهة.

4- تعافيت في جزء كبير، لكن لسه في حاجات نفسية تعباني.

5- أنا تحت أمر جمهوري اللي عملني، وأنا بحب الإحساس ده ومشتقاله.

6-  مخسرتش السوشيل ميديا بتعاتي، ولكن في شوية إجراءات وهترجع.

7- عندي مشاكل إدارية مع شركة "روتانا "، وبعد حلها هيتم طرح أغاني جديدة معاهم، وهقدم أغنيتين جداد على المسرح.