الفنان سامح حسين تعرض لأزمة صحية مفاجئة خلال الأيام اللي فاتت، وأتنقل بسببها لأحد المستشفيات الخاصة في الشيخ زايد، وحاليًا موجود في العناية المركزة وتحت متابعة طبية دقيقة.

وكشف صديق مقرب من سامح حسين إن الفنان كان بيمارس حياته بشكل طبيعي جدًا خلال الأيام اللي فاتت، وسافر لبورسعيد عشان يقدم مسرحيته "بوكس العيلة"، اللي من إنتاجه الشخصي.

وخلال العرض، سامح حسين حس إنه مش قادر يكمل المسرحية، لكنه حاول يتحامل على نفسه، واعتقد في البداية إن اللي بيحصل مجرد إجهاد.

لكن حالته بدأت تتدهور بشكل سريع، فقرر يرجع القاهرة برفقة زوجته، واتوجه للمستشفى عشان يتلقى العلاج.

وهناك اكتشف الأطباء وجود خلل في بعض الوظائف الحيوية، ليتم نقله للعناية المركزة ووضعه تحت الملاحظة.

وبحسب صديقه المقرب، سامح حسين موجود في المستشفى من حوالي 3 أيام، وحالته الصحية لسه غير مستقرة، والأطباء لحد دلوقتي ما توصلوش لتشخيص نهائي يحدد سبب الأزمة الصحية والتدهور المفاجئ.

ومن جانبها، كانت زوجته وسام حامد نشرت صورة تجمعهما وطلبت من الجمهور الدعاء له، وسط حالة من القلق بين جمهوره وزملائه في الوسط الفني.

دعواتكم ليه بالشفاء.