الكينج محمد منير بيعيش حالة فنية مش عادية في صيف 2025، وراسم رجوع كبير بتفاصيل مبهجة، بتأكد إن صوته اللي محفور جوانا لسه عنده حكايات كتير يرويها.
رجوع بيجمع بين الألبوم الجديد، والدويتو المفاجأة، وحفلة الساحل المنتظرة.. وكل خطوة فيهم بتقول إن الكبير كبير يامحمد منير.
فـ يلا نشوف الكينج محضرلنا إيه؟
دويتو مع تامر حسني
في مفأجاة محدش يتوقعها، الكينج محمد منير هيقدم دويتو اسمه "الذوق العالي" مع تامر حسني، ومن المتوقع ينزل بكرة الثلاثاء 15 يوليو على يوتيوب، والأحلى إن الأغنية تم تصويرها كـ فيديو كليب!
حفلة في العلمين
ماينفعش الصيف يعدي من غير حفلة لمنير، ترجعنا لـ ليالي صيف زمان، علشان كده مهرجان العلمين السنة دي، هينظم حفلة خطيرة للكينج، هتكون يوم السبت 16 أغسطس، وأسعار التذاكر بتبدأ من: 600 جنيه. هتلاقوا تفاصيل الحجز هنا
ألبوم جديد
بعد 5 سنين، محمد منير بيحضر ألبوم جديد لصيف 2025، وهينزل على مراحل، الألبوم هيضم 10 أغاني، متنوعة بين النوبي والستايل العصري، وبيشارك فيه شعراء وملحنين جامدين، وكمان لحن قديم للراحل محمد رحيم.
