حارس المرمى المعتزل محمد عبد المنصف كان ضيف برنامج "ورا الشمس" تقديم الإعلامية ياسمين الخطيب، وخلال اللقاء اتكلم عن زواجه الثاني اللي سبب أزمة مؤخرًا، وفي السطور الجاية هنعرفكم على أبرز تصريحاته في الحلقة.

1- خبيت زواجي عن لقاء الخميسي علشان ماجرحش مشاعرها، لكن ماعملتش حاجة غلط، العلاقة كانت رسمية وشرعية.

2- ربنا سترها معايا 7 سنين وماكنتش ببات برا البيت، وكانت مرحلة كويسه في حياتي.

3- الطلاق بيني وبين زوجتي الثانية ماكنش بسبب خيانة، السبب الحقيقي هو خلافات في وجهات النظر.

4- لقاء لما عرفت بزواجي فورًا طلبت الطلاق، وبعدت عن البيت فترة علشان أهدى الوضع، وحرمت اتجوز عليها ثاني.

5- اللي يقدر يكمل مع زوجتين برافو عليه، بس موضوع التعدد صعب نفسيًا واجتماعيًا.

6- طليقتي الناس ظلمتها، وهي مش خطافة رجالة ست محترمة جدًا، وكانت متقبلة كل ظروفي.

7- الانفصال حصل بهدوء، وبتمنى الخير لكل الأطراف، بعيد عن التجريح أو الاتهامات.