أكتر من ساعة تقريبًا، تعرض تطبيق "واتس آب" لمشكلة فنية عالمية، اتسببت في عدم إرسال أو استلام أي رسائل أو صور أو فيديوهات، عند عدد كبير من المستخدمين، ولإن "واتس آب" مش مجرد تطبيق دردشة وبس، بالعكس، ناس كتير بتعتمد عليه في شغلها اليومي، فاضروري يكون عندنا بدائل له في الأوقات اللي زي دي.
جمعنالكم في "كلام القاهرة" 3 تطبيقات بتقدم نفس الخدمة تقريبًا، يالا نعرفها:
Telegram
تطبيق تواصل ودردشات فوري، يعتبر بديل عن واتس آب، بيحتوى على ميزة الانضمام للجروبات المناسبة لاهتماماتك، بالإضافة لإرسال الصور ومقاطع الفيديو بجودة عالية.
Messenger
يعتبر البديل الأول لـ واتس آب، بيسمح للمستخدمين بالمكالمات الفردية والجماعية، ومش لازم يكون عندك "أكونت" على فيسبوك علشان تستخدمه، تقدر كمان تثبت تطبيقات تانية جوه التطبيق نفسه، على سبيل المثال ممكن تبعت لأصدقائك أغاني من تطبيق "Spotify" بسهولة عادي.
Signal
من أهم مميزاته خاصية التشفير للرسائل النصية والجماعية، وكمان الصور والفيديو والمكالمات بين المستخدمين، بجانب ميزة منع التقاط "سكرين شوت" للشات.
