النهارده، 21 نوفمبر، عيد ميلاد "عصفورة الشرق" المطربة اللبنانية فيروز الـ 87، صوتها مالوش شبيه ومزيكاها صديقة كل الأوقات، من الآخر يا محلى الصباح والمساء والصيف والشتاء بصوت فيروز.
وبالمناسبة السعيدة دي، جمعنالكم بلاي ليست لأجمل أغاني فيروز بقت ماركة مسجلة في حياة المصريين، بنغنيها في الأفراح، وموجودة على لافتات الكافيهات أو المطاعم الرايقة، أما عن بوستات الشتاء وفنجان القهوة على نغمات أغاني فيروز، فا إحنا محتاجين نقول ونقول لحد الصبح.
"خليك بالبيت"
(وقت الكورونا قنوات تلفزيونية كتير، اختارتها علشان تكون شعار ليها)
تقدروا تسمعوها من هنا.
"صباح ومسا"
(وأنت بتسمعها هتحس إنها بتواسي قلبك)
تقدروا تسمعوها من هنا.
"سهر الليالي"
(لسنين طويلة كانت الراعي الرسمي لنهاية الأفراح المصرية، أكيد كنت في يوم من صحاب العريس أو صحاب العروسة، ورقصت عليها)
تقدروا تسمعوها من هنا.
"حبيتك بالصيف"
(متترددش لما تلاقي كافية، اسمه على اسم أغنية من أغاني فيروز، لازم هتلاقي حاجة من ريحتها جوه)
تقدروا تسمعوها من هنا.
"كيفك أنت"
(من أكتر أغانيها المحبوبة في الوطن العربي)
تقدروا تسمعوها من هنا.
كل عام وأنت رفيقة كل الأماكن والأوقات.
