شبكة قنوات "ديسكفري" العالمية، أعلنت عن إنتاجها 3 أفلام ترويجية للمتحف المصري الكبير، واللي المقرر هيتم افتتاحه في 2020. الأفلام هتتعرض على قنوات الشبكة المختلفة فى دول العالم قبل الافتتاح. وده ضمن شراكة بين وزارة السياحة والشبكة العالمية.

الوزارة هتستخدم شبكة قنوات "ديسكفري" وشبكة التواصل الاجتماعى بتاعتها، علشان تروج لمصر. كمان هتروج للأماكن السياحية المميزة في كل محافظة، بالإضافة لعرض التنوع اللي موجود في مصر. كل ده هيتم عرضه في أهم الأسواق اللي بتروج للسياحة زي: آسيا، الصين، الشرق الأوسط، أوروبا، أمريكا اللاتينية، والولايات المتحدة.

قناة "ديسكفرى" عملت لقاء مع الدكتورة رانيا المشاط، وزيرة السياحة، اتكلمت فيه عن المتحف المصرى الكبير، وهيتذاع خلال الأفلام الثلاثة. ووضحت خلاله إن المتحف بيضم كنوز أثرية وحضارية بتميز مصر، وبينفرد المتحف بعرضها لأول مرة. زي المجموعة الكاملة لمقتنيات الملك "توت عنخ آمون"، اللي ووصل عددها لـ 5000 قطعة أثرية.