انتشر في الكام يوم اللي فاتوا، مقطع فيديو للفنانة روجينا في أحد برامج المقالب، ظهر معاها سيدتين دار بينهم حوار، ناس كتير شافوه مضحك، وبدأوا يقلدوه في فيديوهات زي "تيك توك".
وبسؤالها عن الفيديو الشهير، قالت روجينا في لقائها مع برنامج "ET بالعربي": "اتفاجئت جدًا أنا فاصلة خالص، بجهز في الورق والمسلسل، فجأة لقيت كل أصحابي بيقولولي (استني إنتي واقعدي)، وأنا مش فاهمة إيه اقعدي دي، قالولي ده إنتي تريند".
وعن إحساسها وقت تصوير الحلقة، ورد فعلها على تصرف البنت معاها، علقت: "كنت خايفة أوي، وجالي إحساس إنها هتضربني بالقلم، بس كنت بقولها تقعد دفاع عن النفس، مش شر لأ ده من خوفي".
الفانز بعتولي الفيديو، استغربت لدرجة إني مش عارفه البرنامج بقاله أد إيه؟ بس قالولي إنه من 13 سنة". حسب كلامها.
اتفرجوا على الفيديو من هنا.
