لو كنت من عشاق الألعاب، عندنا خبر جامد جدًا علشانك! شركة ماجد الفطيم أطلقت مسابقة "Kings Arena II" في سيتي سنتر ألماظة، واللي سبق وحققت نسختها الأولى في 2021 نجاح كبير.
تعالوا نتعرف أكثر على النسخة الثانية من المسابقة الشيقة دي من خلال 5 معلومات فيهم الخلاصة.
1 – الفكرة من النسخة الثانية من مسابقة ألعاب الرياضات الإلكترونية،"Kings Arena"، واللي بتستضيفها شركة ماجد الفطيم في سيتي سنتر ألماظة، هي دعوة أفضل اللاعبين في مصر للتنافس في مجموعة من أشهر الألعاب الإلكترونية زي: FIFA 23، و League of Legends، وValorant، PUBG MOBILE للحصول على فرصة الفوز بجوائز مجموع قيمتها 250,000 جنيه مصري.
2 - بتُقام ساحة الألعاب برعاية من Samsung وTalabat، وهتكون مفتوحة للجميع من 23 فبراير وحتى 4 مارس.
3 - بتنقسم مسابقة الألعاب إلى ثلاثة أقسام مميزة؛ القسم الأول بيتم فيه تقديم تجربة ألعاب غير رسمية مصممة لزوار المركز التجاري اللي هيقدموا فواتير شراء بأكثر من 500 جنيه، وبالفعل تم تجهيز القسم الأول بأحدث إعدادات ألعاب الواقع الافتراضي، أما القسم الثاني فبيكون عبارة عن تنظيم بطولة رئيسية مصممة للاعبين الخبراء، بتضم عدد من مناطق الألعاب المميزة المزودة بأجهزة "بلاي ستيشن- PlayStation" والموبيلات وأجهزة الكمبيوتر، والقسم الثالث بيكون عبارة عن تنظيم بطولة احترافية مخصصة للاعبين المشهورين والمتمرسين زي Anubis Gaming و Team Occupy و3BL Esports .
4- هتقدم ساحة الألعاب كمان جوائز يومية، ده غير الظهور المفاجئ لمشاهير البث التلفزيوني والحفلات التفاعلية.
5 – دي مش أول مرة القاهرة تستضيف الحدث المهم ده، النسخة الأولى من مسابقة الألعاب أقُيمت عام 2021 في مول مصر وسيتي سنتر ألماظة، وتم إقامة المباراة النهائية بين الفائز في كل مول.
وأخيرًا.. علشان تعرفوا تفاصيل أكتر عن مسابقة "Kings Arena" سيتي سنتر ألماظة، زورو kingsarenaeg.com.
بنتمنى لكم كل التوفيق!
