رد محمد إمام على الجدل اللي اتعمل بسبب اسم مسلسله الجديد "الكينج" قبل عرضه في رمضان الجاي، وقال إن الكينج الحقيقي اللي في حتة تانية هو محمد منير وماحدش يقدر يقارن نفسه بيه، بس الاسم عاجبه لأنه لايق على العمل وجذب انتباهه من الأول.

إمام اتكلم في برنامج ET بالعربي وقال كمان: "مفيش حد غير عادل إمام نمبر وان، وإحنا كشباب كل واحد شايف نفسه نمرة واحد والأعلى أجرًا، وده بيخلينا نطلع أحسن ما عندنا".

مسلسل "الكينج" من بطولة محمد إمام، ومن تأليف محمد صلاح العزب، وإخراج شيرين عادل، وهيشارك فيه كوكبة نجوم.