في لقطة محدش يتوقعها، انتشرت صورة للفنان مدحت صالح من مسرحية "حزمني يا"، وهو لابس لبس واحدة ست، الجمهور بدأ يقارن ملابسه بملابس الفنانة سمية الألفي في مسلسل "قُشتمر"، والنتيجة كانت مفاجأة!
الصور وضحت إن الطقم هو نفسه: البلوزة السوداء والجيب الصفراء، وحتى الجزمة يا جماعة! وناس كتير توقعت إن مدحت استعان بالطقم من دولاب سمية الألفي، خاصة إنها كانت زوجته وقتها.
سمية الألفي ومدحت صالح كانوا متجوزين لمدة 3 سنين ونص، بعد انفصالها عن الفنان الراحل فاروق الفيشاوي، وقالت سمية عن زواجها من مدحت: "لما مدحت اتقدملي، قولتله أنا معنديش أسباب للزواج، لكن عندي شرط ممنوع تخونني، وإنك تسعدني وأعيش معاك أيامي كلها مبسوطة ومرتاحة، وفعلاً حبيته، لكن مكنش بنفس درجة حبي لفاروق الفيشاوي".
مسرحية "حزمني يا" اتعرضت سنة 1994، وتعتبر من أكتر المسرحيات الكوميدية اللي محفورة في ذكريات ناس كتير. نجومها زي فيفي عبده، مدحت صالح، وشريف منير سابوا بصمة كبيرة بأدائهم وإيفيهاتهم اللي لسه بتضحكنا لحد النهارده.
