أعلنت الإدارة العامة لمرور القاهرة عن غلق كامل بمحور 3 يوليو امتداد كوبري شمال طرة أعلى طريق كورنيش النيل، للاتجاهين لمدة 15 يوم، بداية من الأربعاء 5 نوفمبر من الساعة 12:05 صباحًا لحد 6 صباحًا يوميًا، عشان تكملة أعمال محور محور 3 يوليو.

وإحنا هنقولك تعمل إيه لو ده طريقك! بص ياسيدي، لو جاي من حلوان اتجاه المعادي: هتمشي يمين على مطلع كوبري شمال طرة، بعده تلف عند المأوى الدوراني بعد الكوبري، وبعدين ترجع الكورنيش اتجاه المعادي.

ولو جاي من المعادي اتجاه حلوان: هتمشي تحت جسم كوبري 3 يوليو (بعرض ما يقلش عن 4 أمتار)، وبعدها ترجع تاني على محور الكورنيش اتجاه حلوان.

الإدارة العامة لمرور القاهرة جهزت الخدمات المرورية مع الشركات المنفذة، ووضعت العلامات الإرشادية والمساعدات الفنية عشان سلامة المواطنين خلال فترة العمل.