نظم معرض الشارقة الدولي للكتاب في دورته الـ43، ندوة اللنجم المصري محمد صلاح، لاعب ليفربول الإنجليزي، وخلال اللقاء اتلكم صلاح عن علاقته بالقراءة ونوع الكتب اللي بيفضلها، ومفاجآت تانية كتير، هتلاقوها في السطور الجاية..

1-مكتبتي عبارة عن مكتبة ودولاب جوائز، علشان أشجع نفسي وأعرف عملت إيه  في حياتي.

2-بقرأ كتب علم نفس باللغتين عربي وإنجليزي، بحاول أقرأ صفحة أو صفحتين في اليوم، وفي السفر الكتاب معايا على طول.

3-زوجتي "ماجي" هي اللي بتساعد بناتي على قراءة الكتب.

4-بتكلم مع بنتي مكة في مواضيع مختلفة، وببعت لها فيديوهات بسيطة عن علم النفس.

5- النجاح بيجي من جوانا ومش من رأي الناس فينا، ومهم تحب نفسك علشان تعرف تحب الناس.

6-في رأيي لا يمكن لأي مجتمع أن يتقدم، لحد ما يتساوى دور المرأة مع دور الرجل.

7-مكة بتعيش حياة طبيعية هادئة بعيدة عن الأضواء، ومنعتها من استخدام الموبايل أو منصات التواصل الاجتماعي، علشان احميها.

8-بنتي مابتحبش قصص سندريلا، ولكن مهتمة بقصص التشويق والمغامرات، وعندها حاليًا 10 سنين.

9- هيكون في كتاب عن سيرتي الذاتية، علشان الناس تعرف قصة كفاحي ونجاحي، بس لسه محددتش عنوانه.