كل حفلة بيعملها ويجز لازم تقلب الدنيا، أوقات بيكون سببها عدد الجماهير الضخمة اللي بتجيله أو بـ ستايل لبسه المختلف، وده اللي حصل من ساعات، بعد انتشار صور من حفلته الأخيرة، على مسرح "أبو بكر سالم" في الرياض.
ويجز كان لابس على المسرح شورت لونه موف عليه جاكيت "أوفر سايز" لونه أخضر وقميص باللون البيج، ومعاهم بوت ضخم لونه أسود، ظهر كمان ببدلة صيفي لونها بني مطبوع عليها رسومات ورود كبيرة لونها أبيض مع كوتشي بنفس الألوان.
الإطلالتين دول كانوا صدمة جديدة لجمهور ويجز، وكمان ربطوا بين جاكيت ويجز وبين جاكيت كانت لابساه هدى المفتي، قريب جدًا من نفس اللون والاستايل خلال جلسة تصوير ليها.
وطبعًا اسم هدى المفتي ظهر مع ظهور ويجز للمرة التانية، وده بعد تردد اسمها مع طرح أغنيته الأخيرة "البخت"، واللي ناس كتير شايفه إن كان بينهم قصة غامضة كده.
السؤال هنا ياترى ويجز متعمد يلبس زي هدى فعلًا ولا هي موضة؟
