لو لسه محتار تعمل إيه في ليلة رأس السنة! متقلقش، إحنا جمعنالك 5 أفكار هتخليك تقضي ليلة مختلفة وتبدأ السنة الجديدة بروح حلوة.
احضر حفلة
السنة دي في حفلات كتير لنجوم بنحبهم، زي: روبي- وائل جسار- هشام عباس وحميد الشاعري ونجوم أكتر"، لو بتحب الأجواء المليانة موسيقى وفرحة، الحفلات دي هتكون السهرة المناسبة ليك.
تفاصيل الحفلات موجودة هنا.
اتفرج على فيلم جديد
في أفلام نزلت في السينمات تستاهل تتشاف، ومنها: فيلم "الهنا اللي أنا فيه- الهوى سلطان- الحريفة" وأفلام تانية جاية في الطريق، وممكن كمان تعمل موفي نايت في البيت، تجيب فشار وتشوف اللي يعجبك.
اخرج واتبسط ومتنساش تتصور
ظبط مع صحابك أو أهلك واختاروا كافيه أو مكان مفتوح فيه ديكورات السنة الجديدة والكريسماس والاحتفالات، وطبعًا بنفكرك بصورة حلوة للذكرى.
قعدة بيت دافية
لو مش حابب الزحمة، جمع أصحابك أو عيلتك في البيت، حضر عشا. بسيط، شغل مزيكا أو اتفرجوا على عروض العد التنازلي، وعيشوا جو الاحتفال بطريقتكم، وطبعًا الصور هنا هيبقى ليها طعم تاني خالص.
احضر عروض الألعاب النارية
جه الوقت اللي بنستناه من السنة للسنة، عروض الألعاب النارية ليلة رأس السنة بتملي السما بهجة وفرح، تقدروا تعيشوا اللحظات دي في ممشى أهل مصر أو الملاهي.
في النهاية، حابين نقولك إن الفكرة مش في المكان، المهم إنك تبدأ السنة الجديدة بطاقة إيجابية وحب، وكل سنة وكلنا طيبين!
