فرصة جديدة لكل المهتمين بمستلزمات الكافيهات والمطاعم والفنادق، استعدوا لحضور حدث مهم جدًا، وهو "كافيكس 2023"، معرض دولي ضخم، بيضم كل اللي ممكن تحتاجه في مكان واحد، واللي هتبدأ فعالياته في الفترة من 2 ولحد 4 مارس 2023.

يالا نقولكم تفاصيل أكتر عنه:

1- بيضم حوالي 130 عارض مميز من كافة أطياف صناعات الضيافة.

2-  وأنت في "كافيكس" هتحضر فعاليات لذيذة جدًا، منها "مسابقة مصر للطهاة"، و"مسابقة باريستا مصر"، ومفاجأت تانية أكتر.

3-  السنة دي بينظم  المعرض "منتدى كافيكس"، على مدار 3 أيام، واللي بيضم جلسات وحلقات نقاشية مع أفضل الخبراء في مجال صناعة الضيافة، والحدث ده هيفيدك سواء كنت مستثمر حالي، أو بتفكر تعمل بيزنس جديد في مجال صناعة الطعام.

4- زوار "كافيكس"، هما "الفنادق والمنتجعات، الكافيهات والمطاعم، سلاسل ومحلات السوبر ماركت، مجال صناعة المأكولات والمشروبات، والمستثمرون المحتملون في مجال صناعة الطعام، النوادي والمستشفيات، شركات الكيترينج، المولات وصالات الطعام، الخطوط الجوية".

5- سنة 2014، تم تأسيس المعرض لأول مرة، ونجح إنه يسيب بصمة مميزة، طوال الـ8 سنين، وأصبح التجمع الأقوى والأكثر احترافية في مجال الأطعمة والمشروبات ومعدات المطبخ الاحترافية ومعدات البارات والأثاث الداخلي والخارجي، وكل ما يتعلق بالطاولات والأواني الزجاجية وأدوات المائدة، والأزياء الموحدة، والعلامة التجارية والتصميم، والحلول التقنية، وعربات الطعام المتنقلة والتعبئة والتغليف.

مكانه: مركز مصر للمعارض الدولية، محور المشير طنطاوي، القاهرة، مصر، من 2 مارس حتى 4 مارس 2023.

تقدروا تحجزوا وتعرفوا تفاصيل أكتر من هنا.