الألعاب النارية هي اللي بتحسسنا فعلاً إننا داخلين على سنة جديدة، وكتير مننا بيستنى يشوفها على شاشة التليفزيون في دول العالم لما الساعة تدق 12:00 بالضبط، بس تخيل لو نزلت وشوفتها بنفسك؟ أكيد هتبقى ذكرى وتجربة ما تتنسيش، ألوانها وفرحتها هتعيش معاك طول السنة!

وإحنا في "كلام القاهرة" جمعنالك أماكن هتقدم عروض العاب نارية، وهي:

ممشى أهل مصر

زي كل سنة، الممشى بيكون اختيار ناس كتير في ليلة رأس السنة، أضواء وزينة وأجواء احتفالية على النيل، وطبعًا أحلى صور.

هتلاقوا التفاصيل هنا.

عنوانه: كورنيش النيل، بولاق أبو العلا.

العاصمة الإدارية

السنة دي العاصمة الإدارية الجديدة، هتحتفل بشكل كبير ومختلف، مع مهرجان New Capital Countdown Festival قدام البرج الأيقوني، بعروض ألعاب نارية، ليزر، وعروض ضوئية.

هتلاقوا التفاصيل هنا.

عنوانها: الطريق الدائري الإقليمي، الظهير الصحراوي.

الملاهي

ليلة رأس السنة 2026، الملاهي هتكون جاهزة بأكبر عرض ألعاب نارية، جمع حبايبك وابدأوا السنة الجديدة بأجواء فرح وحماس.

هتلاقوا التفاصيل هنا.

عنوانها: 1 طريق العين السخنة، نيو كايرو 3.

بارك ستريت مول

استقبلوا السنة الجديدة في بارك ستريت مول مع عروض ألعاب نارية مميزة الساعة 12:00 بالليل،المكان راقي ومناسب جدًا للعائلات والأسر.

هتلاقوا التفاصيل هنا.

عنوانه: 17 شارع البستان، الشيخ زايد.

ذا جيت بلازا

ليلة ماتنسيش مليانة أضواء مبهرة، هتاخدكم لعالم خيالي مختلف، يالا جمع صحابك وانطلقوا.

هتلاقوا التفاصيل هنا.

عنوانه: الحي الثامن، شارع المستثمر، الشيخ زايد.