بثت قناة مؤسسة مجدي يعقوب للقلب على يوتيوب، فيديو لجراح القلب العالمي مجدي يعقوب، بيدعو الناس ماينزلوش الشوارع ويفضلوا في البيت. وبيشير إنه متوقع يزيد عدد المصابين في مصر بفيروس كورونا لو ماتمش الالتزام بالتعليمات الوقائية، وهيكون أمر محزن لو فقدنا حد عزيز علينا.

وشدد على ضرورة تنفيذ التعليمات والنصائح اللي بتنشرها الحكومة، والجهات الصحية الكبيرة زي منظمة الصحة العالمية. لإن في إشاعات ومعلومات كتير غلط بتنتشر بسهولة الفترة دي.

وفي نهاية كلامه طلب من الجميع يفضلوا في البيت، لإن ده مهم جدًا لمواجهة المرض ومنع انتشاره. هيمنع ظهور حالات جديدة، وكمان هيسهل على الأطباء والدكاترة إنهم يعالجوا المرضى. ومهم نفتكر الكلام ده كويس علشان نعدي الأزمة.