عبر محمد شافعي، كاتب كلمات الأغنية المشهورة "عليكي عيون" للمطرب أحمد سعد، عن سعادته بالنجاح الكبير اللي حققته الأغنية، وأضاف إنه ماكنش متوقع رد الفعل القوي ده للأغنية على يوتيوب وتيك توك.
وأكد لـ "كلام القاهرة"، إنه كان حاسس كل كلمة وهو بيكتبها مع إنه ماكنش مرتبط أو بيعيش قصة حب وقتها، وقال كمان إن بتجيله مكالمات من فنايين عرب معجبين جدًا بالأغنية.
"شافعي" وضح إنه كتب الأغنية أصلًا سنة 2019، وعرضها على فنانين كتير معروفين قبل ما يغنيها أحمد سعد، وقرر "سعد" يلحنها بنفسه وبعدها قام بطرح جزء منها قبل عيد الحب، وهنا كانت المفاجأة إن المقطع حقق تأثير كبير، فقرر ينزلها كاملة، بعد ما الناس حبيتها وتفاعلت معاها.
حاليًا بيحضر محمد شافعي 3 أغاني جدد مع فرقة كاريوكي، بالإضافة لـ سينجل اسمها "بسرح بخيالي" لعزيز مرقة، وكمان أغنية شعبي شيك مع حودة بندق.
مش بس كده، كمان هيطرح قريب أغنية مع المنشد محمد يوسف خاصة بشهر رمضان.
