في الأيام الأخيرة، انتشرت من جديد على وسائل التواصل الاجتماعي شائعات بتقول إن الفنان الكبير عادل إمام أصيب بـ فيروس كورونا المستجد، طبعًا الدنيا انقلبت، والموضوع بقى تريند على جوجل ومواقع التواصل الاجتماعي.
لكن الحمد لله، الزعيم بخير، وده اللي أكده ابنه المخرج رامي إمام، واللي نفى صحة كل الشائعات دي، وأكد في تصريحات صحفية إن والده موجود في الساحل الشمالي وبيقضي الصيف مع أبنائه وأحفاده.
"الزعيم بخير وكفاية شائعات".. تعليق أسرة النجم عادل إمام عن حالته الصحية
"رامي" أعلن كمان استغرابه من الشائعات اللي دايمًا بتتقال على والده من النوع ده، وخاصة اللي بتعلن وفاته كل فترة والتانية.
لكنه طمن جمهوره الكبير وقال: "الزعيم صحته زي الفل، والحمد لله كويس ومش تعبان، ومافيش فيه أي حاجة وحشة نهائي، وبيطمنكم ما تقلقوش عليه"، وكشف إنه راجع للسينما قريب بعد غياب طويل بفيلم هيكون من إخراجه، وماقالش أي تفاصيل عن العمل.
