يلا نعرف أفلام الأسبوع ده، 26 فبراير، في سينمات القاهرة:

The Invisible Man

بعد ما تعرف إن صديقها السابق انتحر، بتحاول "سيسليا" تعيش حياتها بشكل أفضل. لكن الوضع مابيستمرش كتير، لما تعرف إنه لسه عايش وحياتها بقت في خطر. بس الفرق دلوقتي إنه خفي.

بعلم الوصول

"هالة" أم وحيدة، جوزها دخل السجن. طول الوقت لازم تواجه أفكارها الانتحارية لوحدها. في مجتمع مش بيساند امرأة مكتئبة، ولا بيتهاون معاها.

Paradise Hills

بتدور الأحداث في المستقبل، لما بيتم إرسال المراهقة العنيدة "أوما" لمكان وسط المحيط، علشان تعدل من سلوكها. لكن مع الوقت هي وباقي البنات، بتكتشفوا أسرار خفية جوة أسوار المكان.

The Call of the Wild

كلب بيعاني من سوء المعاملة، بتجمعه صداقة مع راجل غريب في أبعد أماكن العالم. ومع بعض بيبدأوا مغامرة كلها إثارة تشويق.

After Midnight

حياة "هانك" الهادية بتبدأ تتدهور، لما صديقته بتختفي فجأة بدون أثر. ومن وسط الغابة الموجود فيها بيته، فيه شيء خطير بيحاول يهاجمه.

StarDog and TurboCat

كلب وقطة بينطلقوا في مغامرة خلال الفضاء. علشان يقدروا يوصولوا للوطن.

ويك إند سعيد.